کوئلہ کان کن : اب پہاڑوں سے خوف ہونے لگا ہے۔

کوہ چلتن سیاہ چادر پھیلا رہا تھا۔ جس سے سردی کی شدت میں اضافہ ہورہا تھا ۔ کوئٹہ کی سردی کا نقطہ انجماد منفی سات تک پہنچ گیا تھا ۔لیکن اس سخت سردی کی باوجود کوئٹہ کے مغربی بائی پاس پر ہزارہ برادری کئی دنوں سے دھرنادیئے بیٹھی تھی۔ دھرنے میں زندہ انسانوں کے ہجوم میں سات مزدوروں کی سربریدہ جسد  بھی سفید کفن میں لپٹے دھرنے میں رکھے ہوئے تھے۔ جو بےحس انسانوں اور حکمرانوں سے انصاف کی توقع کررہے تھے۔ دھرنے میں بیٹھی معصوم ریحانہ جن کی آنکھوں میں بے بسی کے باعث اشک خشک ہوچکے تھے۔ وہ اپنے والد کی  تصویر ہاتھ میں لیے بار بار اس کی کو دیکھ رہی تھی اور پھر اس کو اپنی دوپٹے کے پلو سے صاف کرکے  چوم  رہی تھی ۔ان کی خشک گول مٹول اور چہرے میں اندر سے دھنسی ہوئی آنکھوں میں ایک ماتم برپا تھا ۔ ان کے خواب ریزہ ریزہ ہوچکے تھے ۔ ان سے ان کی محبت اور سایہ چھن گیاہے ۔ ان کے ابو کریم بخش کا خواب تھا کہ وہ ریحانہ کو ڈاکٹر بنتا دیکھیں ۔وہ اس خواب کو پورا کرنے کیلئے مچھ میں کئی ہزار فٹ گہرے کان  سے اپنی جان کو خطرے میں ڈال کر کوئلہ نکالتے تھے ۔ریحانہ کی طرح لاکھوں مزدورں کی بیٹیوں کے والد اور بھائی بلوچستان کے کوئلہ کانوں میں موت کی سائے میں کام کررہے ہیں۔