ڈپٹی کمشنر کوئٹہ لیفٹننٹ(ر) سعد بن اسد نے انسداد پولیو مہم میں بہتری کے لیے ٹیموں کے ساتھ دوسرے روز بھی براہ راست ملاقات کی
کوئٹہ یکم اکتوبر2024:ڈپٹی کمشنر کوئٹہ لیفٹننٹ(ر) سعد بن اسد نے انسداد پولیو مہم میں بہتری کے لیے ٹیموں کے ساتھ دوسرے روز بھی براہ راست ملاقات کی انہوں نے کہا کہ پولیو کو جڑ سے اکھاڑنے کے لیے پولیو ٹیمیں دن رات محنت کریں۔ضلعی انتظامیہ 24 گھنٹے پولیو کے ٹیموں کی نگرانی کررہی ہے
انہوں نے کہاکہ کوئٹہ کی تمام ٹیمیں جوکہ 1800 اہلکاران پر مشتمل ہے ان سے روزانہ کے بنیاد پر ملاقات کرونگا۔ انسداد پولیو مہم کے دوران فیک فنگر مارکنگ کسی صورت قابل قبول نہیں ہوگا۔جو بھی اہلکار فیک فنگر مارکنگ کرتے ہوئے پایا گیا انہیں ڈیوٹی سے فارغ کیا جائیگا۔ جبکہ فیک کوریجز کی روک تھام کو یقینی بنانے کے لیے ہر حد تک جائیگے۔
انہوں نے کہاکہ جن ٹیموں کو سیکورٹی یا مسائل درپیش ہیں وہ براہ راست مجھ ملکر مسائل پیش کریں۔ٹیموں کے ہر ممکن مسائل کو حل کرنا ضلعی انتظامیہ کی ترجیحی ہے انہوں نے کہاکہ پولیو جیسی موزی مرض سے چھٹکارا حاصل کرنے اور اسے جڑسے اکھاڑ کر سکون کا سانس لینگے۔پولیو وائرس کی روک تھام ہماری اولین ترجیح ہے۔