قلات : گھریلو الیکڑونکس سامان کیو ں غیرمحفوظ ۔۔۔؟

قلات :ویب رپورٹر

قلات میں بجلی کی16گھنٹوں کی طویل لوڈشیڈنگ کے ساتھ ساتھ بجلی کی آنکھ مچولی نے شہریوں کی زندگی اجیرن بنادی ہیں۔

بجلی کی آنکھ مچولی اور ٹرپنگ کی وجہ سے لوگوں کی قیمتی مشینری جلنے اور خراب ہو نے لگی ہیں کیسکو کی نااہلی کی وجہ سے قلات کے صارفین شدید مشکلات سے دوچار ہو گئے ہیں۔

قلات میں کیسکو کی جانب سے 24 گھنٹوں میں صرف 9گھنٹے بجلی فراہم کی جاتی ہیں مگر بجلی جب فراہم کی جاتی ہیں توبجلی کی وولٹیج اتنی کم ہو تی ہے کہ یہ کسی بھی کام کا نہیں رہتااور اس کے ساتھ ساتھ ہر پندرہ سے بیس منٹ میں ٹرپ کر جاتی ہیں جس کی وجہ سے شہریوں کے قیمتی اشیاء بہت تیز سے جلنے اور خراب ہو نے لگی ہیں۔

قلات کے عوامی حلقوں نے کیسکو قلات کی نااہلی کی شدید الفاظ میں مذمت کرتے ہوئے کہا ہے کہ کیسکو حکام قلات کے صارفین کوبجلی فراہم کرنے میں مکمل طور پر ناکام ہو چکی ہیں

انہوں نے کہا ہے کہ نا اہل اہلکاروں کی مس مینجمنٹ کی وجہ سے اور بجلی کی غلط تقسیم کی وجہ سے بجلی بار بار ٹرپ کر جاتی ہیں اور وولٹیج میں کمی کا سامنابھی ہو تا ہیں

انہوں نے کہا کہ فیڈروں پرضرورت سے زیادہ بوجھ ڈالنے اور زرعی ٹیوب ویلوں کوسٹی فیڈروں سے بجلی فراہم کرنے سے بجلی کی فراہمی میں تسلسل نہیں ہو جاتی ہے جس کی وجہ سے وولٹیج میں کمی بیشی اور ٹرپنگ کا مسئلہ پیدا ہو جاتی ہیں

انہوں نے کیسکو کے آعلیٰ حکام سے مطالبہ کیا ہے کہ قلات میں بجلی کی کمی بیشی اور ٹرپنگ کا مسئلہ فوری طور پر حل کیا جائے بصورت دیگر وہ سخت احتجاج کر نے پر مجبور ہو نگے جسکی تمام تر زمہ داری کیسکو قلات پر عائد ہو گی۔