ڈپٹی کمشنر اوستامحمد کی خصوصی ہدایت کی روشنی میں واٹر سپلائی اسکیم میں پانی کو اسٹور کے لئے بھاری مشینری سے واٹر کورس کی صفائی کا آغاز کر دیا
استامحمد اگست:ڈپٹی کمشنر اوستامحمد جلیل احمد کی خصوصی ہدایت کی روشنی میں آج ایکسین پبلک ہیلتھ انجینیئر احسن بشیر نے واٹر سپلائی اسکیم فیز ٹو کے تالابوں میں پانی کو اسٹور کرنے کے لئے بھاری مشینری سے واٹر کورس کی صفائی کا آغاز کر دیا ھے تاکہ کیرتھر کینال کی زیلی ڈم شاخ سے آنے والا پانی بغیر کسی رکاوٹ کے تالابوں تک پہنچ سکے
واضح رہے کہ آج ڈپٹی کمشنر اوستا محمد جلیل احمد کی سربراہی میں ھونے والا اجلاس جس میں شہر کے معززین، میئر اوستا محمد مظفر خان جمالی سابق ایم پی اے میر حیدر خان جمالی ڈسٹرکٹ چیئرمین سالار خان جمالی و زمینداروں سمیت دیگر آفیسران نے شرکت کی شہریوں کی پانی کی ضروریات کو دیکھتے ہوئے مشترکہ طور پر فیصلہ کیا گیا تھا کہ پہلے تالابوں کو بھرنے دیا جائے جس کے تحت ایکسین پی ایچ ای کو ہدایت دی گئی کہ وہ تین چار دن میں واٹر سپلائی اسکیم فیز ٹو کے تالابوں میں پانی اسٹور کرے جس پر ایکسین پی ایچ ای نے دی گئی ہدایت پر عمل درآمد کرتے ہوئے آج ہی بھاری مشینری کے ذریعے ڈم شاخ سے آنے والے واٹر سپلائی اسکیم فیز ٹو کے واٹر کورسز کی صفائی ستھرائی کا اپنی نگرانی میں آغاز کر دیا تاکہ ان مختصر دنوں کے اندر اندر تمام تالابوں کو مکمل طور پر بھر کر عوام کو پانی کی ترسیل شروع کر دی جائے اس موقع پر ایکسین پی ایچ ای احسن بشیر نے کہاکہ میری بھرپور کوشش ہے کہ دیئے گئے
ٹائم فریم میں تالابوں میں پانی کو اسٹور کرنے کے لئے تمام دستیاب وسائل کو بروئے کار لائے جائیں اس سلسلے میں انہوں نے عوام سے اپیل کی ہے کہ وہ صبر کا دامن ہاتھ سے نہ جانے دیں محکمہ پبلک ہیلتھ انجینئرنگ عوام کی مشکلات کو مدنظر رکھتے ہوئے تمام ضروری اقدامات اٹھا رہا ہے یہ پانی کی کمی کا سامنا ایریگیشن کی جانب سے پانی کی عدم فراہمی کی وجہ سے پیش آیا ہے اب جبکہ پانی کی فراہمی کا سلسلہ شروع ہوا ہے تو ہم نے بھی تالابوں میں پانی اسٹور کرنا شروع کیا ہے اور واٹر سپلائی اسکیم فیز ون سے شہریوں کو پینے کے صاف پانی کی فراہمی کا آغاز روزانہ کی بنیادوں پر شروع ھو چکا ہے
اور جلد ہی فیز ٹو سے بھی پانی کی سپلائی شروع کر دی جائے گی انہوں نے کہا کہ صوبائی وزیر صحت سردارزادہ فیصل خان جمالی کی ہدایت پر مکمل طور پر عمل درآمد کو یقینی بنایا جا رہا ہے کہ پہلے تالابوں میں پانی اسٹور کیا جائے بعد میں زرعی مقاصد کیلئے استعمال کیا جائے اس لئے فیز ٹو کے تالابوں میں پانی اسٹور کرنے کے لئے تمام دستیاب وسائل کو بروئے کار لائے جا رہے ہیں۔