میڈیا کی زندہ کو مردہ قرار دینے کی روایت برقرار

کافی عرصہ پی ٹی وی کوئٹہ اسٹیشن پر بھی اپنے فن کے جوہر دکھاچکے ہیں جبکہ ان کا آبائی علاقہ بھی کوئٹہ ہے

بلوچستان24

معروف ٹی وی اداکار اور پروڈیوسر عابد عی گزشتہ دو ماہ سے شدید علیل ہیں اور ہسپتال میں زیر علاج ہیں

بیماری کی اطلاع ان کی بیٹیوں ایمان علی اور رحمہ علی نے سوشل میڈیاپر دیں اور مداحوں سے ان کی صحت یابی کیلئے بھی درخواست کی

رحمہ علی نے گزشتہ روز انسٹا گرام پر پوسٹ کی تھی کہ ڈاکٹرز نے ان کے والد کو جواب دیدیا ہے جس کے بعد سوشل میڈیا پر ایسی خبریں سامنے آئیں کہ عابد علی کا انتقال ہوگیا جو تیزی سے وائرل ہوگئیں

تاہم ایمان علی اور رحمہ نے ان خبروں کی تردید کرتے ہوئے جھوٹی افواہیں پھیلانے والوں کو شدید تنقید کا نشانہ بنایا

رحمہ علی نے اپنی پوسٹ میں لکھا کہ میرے والد عابد علی زندہ ہیں اورزندہ رہینگے ہسپتال میں سورہے ہیں خدارا غلط خبریں نہ چلائیں جب تک زندہ ہیں زندہ رہنے دیں

ستا سٹھ سالہ عابد علی نے اپنے کیریئرمیں کئی بڑے ڈراموں میں کام کیا ہے اور ایک منجھے ہوئے اداکار ہیں