بین الاقوامی اسٹار فٹ بالرز” لوئس فیگو اور کاکا “کا پاکستان آنے کا اعلان

اسپورٹس ڈیسک

ورلڈ سوکر اسٹارز ایونٹ کے منتظمین نے اعلان کیا ہے کہ بین الاقوامی اسٹار فٹ بالرز لوئس فیگو اور کاکا 10 جنوری کو پاکستان پہنچیں گے

پرتگال کے لوئس فیگو اور برازیل کے کاکا پاکستان آمد کے بعد کراچی میں ورلڈ سوکر اسٹارز ایونٹ کا افتتاح کریں گے۔

ریئل میڈریڈ کلب کے ساتھ کھلاڑیوں کو برطانیہ کی کھیل اور ایونٹ مینیجمنٹ کمپنی ٹَچ اسکائی گروپ کی جانب سے مدعو کیا گیا ہے

کمپنی نے سال 2017 میں ایک علیحدہ نمائش میں رونالڈینو اور دیگر کھلاڑیوں کو بھی پاکستان مدعو کیا تھا۔

دونوں اسٹار کراچی میں پرل کانٹیننٹل ہوٹل میں خصوصی تقریب میں شرکت کریں گے جس کے بعد لاہور کے پیکیجز مال میں ایک تقریب میں پرستاروں سے ملاقات کریں گے

برزیلین اسٹار کاکا نے کہا کہ ’میں پاکستان کا دورہ کرنے اور ملک میں فٹ بال کو فروغ دینے میں اپنا کردار ادا کرنے پر خوش ہوں ، میں کبھی پاکستان نہیں گیا لہٰذا میں بہت زیادہ پْرجوش ہوں