برمنگھم ،آسٹریلیا نے پاکستان کو صفر کے مقابلے میں سات گول سے شکست دیدی

0

برمنگھم  انگلینڈ کے شہر برمنگھم میں جاری کامن ویلتھ گیمز ہاکی ایونٹ میں پاکستان اور آسٹریلیا کے مابین کھیلے جانے والے میچ میں آسٹریلیا نے پاکستان کو صفر کے مقابلے میں سات گول سے شکست دیدی،آسٹریلیا کی جانب سے جیریمی اور ٹام نے دو دو جبکہ بلیک ،ناتھن اور جیکب نے ایک ایک گول سکور کیا

تفصیلات کے مطابق آسٹریلوی ہاکی ٹیم نے پاکستان کو آخری گروپ میچ میں سات گول سے شکست دے کر کامن ویلتھ گیمز میں میڈلز کی دوڑ سے باہر کردیا ، پاکستان ٹیم آسٹریلیا کے سات گولز کے جواب میں ایک بار بھی گیند کو جال کی راہ نہ دکھا سکی۔

یہ بھی پڑھیں
1 of 5,206

یونیورسٹی آف برمنگھم ہاکی سینٹر میں کھیل کے آغاز میں تو پاکستانی کھلاڑی کافی جارح مزاج نظر آئے اور ابتدائی 8 منٹ میں حریف کی گول پوسٹ پر تین وار کیے تاہم ان حملوں کو گول میں تبدیل نہ کرسکے۔بارہویں منٹ میں آسٹریلیا کو بلیک گروورز نے گول کر کے برتری دلادی جبکہ دوسرے کوارٹر میں کھیل کے مجموعی طور پر 19 ویں منٹ میں جرمی ہیورڈ نے مقابلہ 0-2 کر دیاجس کے بعد کیینگروز نے کھیل کو مزید تیز کیا اور پے درپے حملے کیے مگر پاکستانی گول کیپر ڈٹے رہے۔ دوسرا کوارٹر آسٹریلیا کی 0-2 کی برتری کے ساتھ ختم ہوا، تیسرے کوارٹر میں جرمی ہیورڈ نے ایک اور گول داغ دیا ، 2منٹ بعد ہی ٹام وک ہم نے اسکور 0-4 کیا۔ چوتھا کوارٹر شروع ہوتے ہی وک ہم نے اپنا دوسرا اور ٹیم کا پانچواں گول اسکور کیا۔جیکب اینڈرسن نے چھٹا اور نیتھن افرامس نے ساتواں گول اسکور کیا۔ پاکستان 0-7 کی شکست کے ساتھ میڈل کی دوڑ سے باہر ہوگیا۔

پاکستان ہاکی ٹیم گروپ میں چوتھے نمبر پر رہی اور ٹورنامنٹ میں اب ساتویں پوزیشن کیلئے کینیڈا سے مقابلہ کرے گا۔پاکستانی ٹیم کامن ویلتھ گیمز 2022 میں چار میں سے صرف ایک میچ جیت سکی اور ایک ڈرا ہوا۔ٹورنامنٹ میں پاکستان ٹیم 6 گول کرسکی جبکہ اس کے خلاف 15 گول ہوئے۔پاکستان ساتویں،آٹھویں پوزیشن کا میچ کینیڈا کے خلاف 6 اگست کو کھیلے گا۔

You might also like
Leave A Reply

Your email address will not be published.