امریکہ کا اپنے انٹیلی جنس اداروں پر اعتماد کم ہونے لگا
ٹرمپ انتظامیہ کا پرائیویٹ جاسوسی نیٹ ورک قائم کرنے پر غور
نجی جاسوسی کے اس نیٹ ورک کا دیگر امریکی انٹیلی جنس اداروں سے کوئی تعلق نہیں ہوگا،میڈیا رپورٹس
نجی جاسوسی کے اس نیٹ ورک کا دیگر امریکی انٹیلی جنس اداروں سے کوئی تعلق نہیں ہوگا،میڈیا رپورٹس
یہ بھی پڑھیں
ویب ڈیسک
ٹرمپ انتظامیہ کی جانب سے پرائیویٹ جاسوسی کا نیٹ ورک قائم کرنے کا منصوبہ زیر غور ہے۔
منصوبے کا مقصد ریاست کے خلاف کام کرنے والے دشمن عناصر پر نظر رکھنا ہے۔میڈیا رپورٹس کے مطابق یہ منصوبہ بدنام زمانہ پرائیویٹ کنٹریکٹر کمپنی بلیک واٹر کے بانی ایرک پرنس کی جانب سے پیش کیا گیا تھا۔
منصوبے کے تحت نجی جاسوسی کا ایک ایسا نیٹ ورک قائم کیا جائے گا جو صرف سی آئی اے کے ڈائریکٹر مائیک پومپیو اور صدر ٹرمپ کو جواب دہ ہوگا۔نجی جاسوسی کے اس نیٹ ورک کا دیگر امریکی انٹیلی جنس اداروں سے کوئی تعلق نہیں ہوگا اور نہ ہی یہ معلومات دیگر اداروں کے ساتھ شیئر کی جائیں گی۔
رپورٹ کے مطابق اس پرائیویٹ نیٹ ورک کا مقصد انٹیلی جنس اداروں میں موجود ایسے افراد پر نظر رکھنا ہے جو ریاستی مفادات کے خلاف کام کررہے ہیں۔