بلوچستان میں لیبر یونینز پر عائد پابندی ختم

ویب ڈیسک

لیبر ایپلٹ ٹربیونل بلوچستان کوئٹہ کی عدالت نے بلوچستان میں  ڈائریکٹر جنرل (ڈی جی )لیبر بلوچستان کی جانب سے 62 مزدور لیبر اور ٹریڈ یونینز پر  ٹریڈ یونین سرگرمیوں بارے پابندی کے حوالے سے 12 جولائی  2019  کو جاری کیا جانیوالا آرڈر منسوخ کردیا

 درخواست گزار لائیو سٹاک ورکرز یونین اورایگریکلچرل انجینئرنگ ایمپلائز یونین کے حق میں فیصلہ دیدیا 5 دسمبر 2019 کو جاری ہونے والی ججمنٹ میں مزدور قوانین کے حوالے سے بلو چستان انڈسٹریل ریلیشن ایکٹ 2010 کی سیکشنز کے حوالے بھی دیئے گئے ہیں ۔

عدالت نے ڈی جی لیبر کی جانب سےپابندی کو منسوخ کرکے سیٹ اسائیڈر کرنے کا حکم دیا

پٹیشنرز کی جانب سے کیس کی پیروی  لیبر پریکٹس کے ماہر قانون دان اعظم جان زرکون ایڈووکیٹ نے کی

یاد رہے اس سے قبل بلوچستان میں  مختلف لیبر یونینز پر پابندی عائد کردی گئی تھی جس کیخلاف لیبر یونینز نے اسے چیلنج کرنے  کا اعلان کیا تھا

 اس اہم کیس میں رسپانڈنٹ رجسٹرار ٹریڈ یونین حکومت بلوچستان کو بنایا گیا تھا ۔۔۔

اس فیصلے سے بلوچستان کی تمام ٹریڈ یونینزمیں خوشی کی لہر دوڑ کئی ۔۔عدالت کا فیصلہ مزدوروں کی فتح ہے