کورونا کا شکار ہونیوالے مولانا طارق جمیل کا نیا بیان سامنے آگیا

لاہور۔سماجی رابطے کی ویب سائٹ انسٹاگرام پر نامور مبلغ اسلام مولانا طارق جمیل نے اپنی نئی تصویر شیئر کی ہے۔تصویر میں مولانا طارق جمیل نے سردی سے بچنے کے لیے شال پہنی ہوئی جبکہ وہ پہلے سے کافی بہتر بھی نظر آرہے ہیں۔مولانا طارق جمیل نے تصویر کے کیپشن میں اپنے چاہنے والوں سے مخاطب ہوتے ہوئے کہا کہواقعی! آپ سب کی دعائیں میرے لیے بہت اہم ہیں۔انہوں نے اپنے چاہنے والوں کا شکریہ ادا کرتے ہوئے کہا کہ آپ سب کے محبت بھرے پیغامات اور دعاں کے لیے آپ کا شکرگزار ہوں۔مولانا طارق جمیل نے مزید کہا کہ الحمداللہ! اب میری طبیعت میں پہلے سے کافی بہتری آرہی ہے۔طارق جمیل کی مقبولیت کی بات کریں تو انہوں نے 15 گھنٹے قبل ہی انسٹاگرام پر یہ پیغام جاری کیا ہے جسے اب تک دو لاکھ 18 سے زائد صارفین لائک کرچکے ہیں جبکہ مولانا طارق جمیل کی مکمل صحتیابی کے لیے دعاں کا سلسلہ بھی جاری ہے۔یاد رہے کہ گزشتہ سال کے آخری دنوں میں مولانا طارق جمیل بھی عالمی وبا کورونا وائرس کا شکار ہوگئے تھے۔مولانا طارق جمیل نے اپنے ٹوئٹر پیغام میں کہا تھا کہ گزشتہ کچھ ایام سے طبعیت ناساز تھی، ٹیسٹ کروانے پر کورونا پازیٹو آیا ہے لہذا اطباکے مشورے سے اسپتال داخل ہو گیا ہوں۔اپنے پیغام میں معروف مبلغ اسلام نے تمام محبین سے خصوصی دعاں کی درخواست بھی کی تھی۔