گوادر میونسپل کمیٹی کو میٹروپولیٹن کارپوریشن کا درجہ دینے کا فیصلہ

0

نیوز ڈیسک
گوادر کی ترقی کے ماسٹر پلان کے تناظر میں گوادر کو میٹروپولیٹن کارپوریشن کا درجہ دینے سے علاقے میں تعمیراتی اور ترقیاتی سرگرمیوں کو فروغ ملے گا

 

اجلاس میں صوبے کی دیگر میونسپل کارپوریشنوں کو بھی آبادی، رقبہ اور بنیادی ڈھانچہ کے بنیاد پر میٹروپولیٹن کارپوریشن کا درجہ دینے کا جائزہ لینے کا فیصلہ

یونین کونسلوں کی ازسرنو تشکیل کی تجویز سے اتفاق کرتے ہوئے فیصلہ کیا گیا کہ اس عمل میں آبادی اور رقبے کے عوامل کو بھی مدنظر رکھا جائے گا
اجلاس میں لوکل کونسل گرانٹس کی تقسیم کے طریقہ کار پر بھی غور کیا گیا اور بلوچستان لوکل گورنمنٹ ایکٹ میں دیگر مجوزہ ترامیم کا جائزہ بھی لیا گیا

یہ بھی پڑھیں
1 of 8,717

بعض تجاویز کی منظوری دیتے ہوئے بلوچستان لوکل گورنمنٹ ایکٹ میں ترامیم کے لئے قائم کمیٹی کو سفارشات کی تیاری کی ہدایت کی گئی

وزیراعلیٰ بلوچستان جام کمال خان کی زیرصدارت منعقدہ اعلیٰ سطحی اجلاس

حکومت بلدیاتی اداروں کو مالی وانتظامی اختیارات کے ذریعہ مستحکم بنانا چاہتی ہے تاکہ اختیارات کی نچلی سطح تک منتقلی کا فائدہ عوام کو پہنچ سکے

بلوچستان لوکل گورنمنٹ ایکٹ میں ضروری ترامیم کرکے اس میں پائے جانے والے ابہام کو دور کیا جائے گا اور بلدیاتی اداروں کے افسران کی استعداد کار اور صلاحیتوں میں اضافے کے لئے بھی اقدامات کئے جائیں گے تاکہ بلدیاتی اداروں کی افادیت میں اضافہ ہووزیراعلیٰ بلوچستان کاخطاب

صوبائی وزراء نوابزادہ طارق مگسی، میر ظہور احمد بلیدی،میر اسد بلوچ، میر نصیب اللہ مری، ضیاء اللہ لانگو، میر سلیم کھوسہ، محمد خان لہڑی، زمرک اچکزئی، عبدالخالق ہزارہ،مٹھا خان کاکڑ، رکن صوبائی اسمبلی دنیش کمار، چیف سیکریٹری بلوچستان ڈاکٹر اختر نذیر، سیکریٹری لوکل گورنمنٹ، سیکریٹری خزانہ اور دیگر متعلقہ حکام نے اجلاس میں شرکت کی

You might also like
Leave A Reply

Your email address will not be published.