صدر ٹرمپ۔۔۔۔ پاکستان کی قربانیوں کو فراموش نہ کرو

0

بولان،ڈھاڈرسے عارف بنگلزئی

پاکستان تحریک انصاف ڈھاڈر کے زیر اہتمام امریکی صدر کے خلاف احتجاجی ریلی چئیرمین میونسپل کمیٹی ڈھاڈر سید محمد علی شاہ کی قیادت میں نکالی گئی۔

ریلی میں وڈیرہ علی احمد رند کے علاوہ پارٹی کارکنوں اور عوام کی بڑی تعداد شامل تھے ریلی کے شرکاء نے بینرز اٹھائے ہوئے تھے جن پر امریکی صدر کے خلاف اور پاک فوج کی حمایت میں نعرے درج تھے۔

ریلی کے شرکاء شاہی چوک سے ہوتے ہوئے رندعلی بازار پہنچے اس موقع پر ریلی مظاہرین نے امریکہ مخالفت اور پاک افواج کی حمایت میں شدید نعرہ بازی کی ریلی کے شرکاء سے میر حاجی خان جتوئی،عبدالحئی گولہ اور دیگر مقررین نے خطاب کرتے ہوئے کہا کہ امریکی صدر ڈونلڈ ٹرمپ کی دھمکی آمیز لہجے سے مکاری کی بو آرہی ہے صدر ٹرمپ نے پاکستان کی قربانیوں کو فراموش کرتے ہوئے الزام تراشی کررہے ہیں شاید وہ بھول گئے ہیں کہ پاکستان نے نائن الیون کے بعد دہشت گردی کے خلاف صف اول کا کردار ادا کرتے بے شمار قربانیاں دی ہیں اب امریکہ پاک افواج اور عوام کی قربانیوں کو بھلا کر گیڈر بھبھکیوں پر اتر آیا ہے ۔

یہ بھی پڑھیں
1 of 8,758

انہوں نے کہا کہ یہ امریکی صدر اور انکی حواریوں کی خام خیالی ہے کہ وہ مملکت پاکستان پر کسی بھی قسم کی جارحیت کرینگے پاکستانی عوام پاک افواج کے شانہ بشانہ کسی بھی قسم کی جارحیت کا منہ توڑ جواب دینے کی صلاحیت رکھتے ہیں اور وطن عزیز پر میلی آنکھ سے دیکھنے والوں کی آنکھیں نوچ ڈالیں گے۔

انہوں نے کہا کہ پاکستان نے دہشت گردی کے خلاف ابتک جو قربانیاں دی ہیں عالمی دنیا اسکا برملا اعتراف کرتی ہے امریکی مہم میں شامل ہونے کی وجہ سے پاکستان میں دہشت گردی نے جنم لیا دہشت گردوں کے خلاف پاک افواج کی کاروائیوں کا اعتراف کرنے کی بجائے امریکی دھمکی آمیز پالیسی پر اتر آیا ہے جس سے پاکستان کو کوئی فرق نہیں پڑیگا بلکہ امریکہ پاکستان اتحاد میں دراڑیں پڑیں گے جو امریکہ کیلئے باعث عبرت بنیں گی۔

انہوں نے کہا کہ پاکستانی محب وطن ہیں اور اپنے ملک سے بے پناہ محبت کرتے ہیں پاکستان کے خلاف ناپاک عزائم کو پاکستانی بہادر سپوت افواج پاکستان کے ساتھ ملکرخاک میں ملا دینگے بعد ازاں مظاہرین نے امریکی صدر کی تصویراور پرچم کو نظر آتش کیا اور پر امن طور پر منتشر ہو گئے۔

You might also like
Leave A Reply

Your email address will not be published.