پاکستان کی ای کامرس مارکیٹ سے رواں سا ل67ارب ڈالرسے زائد آمدن متوقع ہے، بلاول بھٹو

سنگاپورسٹی  وزیرخارجہ بلاول بھٹوزرداری نے کہاہے کہ پاکستان آسیان کا سب سے پرانا سیکٹرل ڈائیلاگ پارٹنر ہے، پاکستان آسیان کے ساتھ

مکمل ڈائیلاگ پارٹنرشپ کو اپ گریڈ کرنا چاہتا ہے، غیرملکی میڈیا کو انٹرویومیں بلاول بھٹوزرداری نے کہاکہ سنگاپور اور آسیان ممالک آئی ٹی سے متعلق ہمارے نوجوانوں کی صلاحیتوں سے فائدہ اٹھا سکتے ہیں،پاکستان سنگاپور کے ساتھ باہمی تعلقات کو تمام جہتوں میں مضبوط کرنے کا خواہاں ہے،
یہ بھی پڑھیں
1 of 8,938
انہوں نے کہاکہ بے نظیر بھٹو نے 1995 میں پاکستان کی وزیر اعظم کی حیثیت سے سنگاپور کا دورہ کیا تھا، دونوں ممالک کی قیادت نے ماضی میں اعلیٰ سطح کے دوروں کا تبادلہ کیا ،ان کا کہنا تھا کہ پاکستان میں فری لانسرزآئی ٹی، ٹیلی کام، ای کامرس، ڈیٹا اینالیٹکس مالیاتی خدمات فراہم کر رہے ہیں،پاکستان کی ای کامرس مارکیٹ سے رواں سا ل  7.67 ارب ڈالرکی آمدن متوقع ہے
،انہوں نے کہاکہ رواں سال  پاکستانی ای کامرس مارکیٹ میں 45 فیصد اضافہ ہوا، پاکستان میں آن لائن تجارت میں اضافہ ہو رہا ہے، انہوں نے کہاکہ پاکستان  میں  114 ملین آبادی 25 سال سے کم عمر نوجوانوں پر مشتمل ہے،ان کا کہناتھا کہ پاکستانی تارکین وطن کمیونٹی نے ابتدائی سالوں میں سنگاپور کی ترقی میں اہم کردار ادا کیا ،سنگاپور کی آزادی کے فوراً بعد پاکستان اسے تسلیم کرنے والے اولین ممالک میں شامل تھا،سنگاپور اور پاکستان کے درمیان تجارت میں مل کر کام کرنے کے  زیادہ امکانات ہیں،پاکستان سنگاپور کے ساتھ آسیان کے تناظر میں اپنے تعلقات کو اہمیت دیتا ہے۔
You might also like
Leave A Reply

Your email address will not be published.