کوئٹہ: نیب کے نوٹس نے قومی خزانے کو کروڑوں کے نقصان سے بچا لیا
نیب کے نوٹس نے قومی خزانے کو کروڑوں کے نقصان سے بچا لیا، کوئٹہ میٹروپولیٹن کارپوریشن نے معاہدے کو غیر قانونی تسلیم کرتے ہوئے قیمتی سرکاری اراضی کی لیز کا معاہدہ کینسل کر دیا، عتیق اور ہارون پلازہ کے مالکان کو معاہدے کی تنسیخ کا حکم نامہ جاری۔
قومی احتساب بیورو بلوچستان کے نوٹس نے قومی خزانے کو کروڑوں کے نقصان سے بچا لیا، کوئٹہ میٹروپولیٹن کارپوریشن ن کے اعلیٰ حکام نے اراضی کے معاہدے کو غیر قانونی تسلیم کرتے ہوئے قیمتی سرکاری اراضی کی لیز کا معاہدہ کینسل کر دیا، مئیر کوئٹہ نے شہر کے وسط میں واقع عتیق اور ہارون پلازہ کے مالکان کو اراضی کی لیز کے معاہدے کی تنسیخ کا حکم نامہ جاری کر دیا160
ڈائر یکٹر جنرل قومی احتساب بیورو بلوچستان عرفان نعیم منگی نے کوئٹہ میٹرو پولیٹن کارپوریشن کی جانب سے شہر کے وسط میں واقع انتہائی قیمتی سرکاری زمین کو کوڑیوں کے بھاؤ لیز پر دینے کا نوٹس لیتے ہوئے چند دن قبل ہارون اور عتیق پلازہ کی اراضی کو منجمد کرنے کے احکامات جاری کئے تھے۔
کوئٹہ میٹرو پولیٹن کارپوریشن نے کارپوریشن کے سابقہ ذمہ داران کی غلطی ماننے اور معاملے کی سنگینی کو بھانپتے ہوئے متنازعہ زمین کی لیز کو منسوخ کرنے کے احکامات جاری کر دئیے۔
ذرائع کے مطابق کوئٹہ میں کوڑیوں کے بھاؤ دی گئی دیگر سرکاری اراضی کی بھی جانچ پڑتال کی جا رہی ہے، آئندہ آنے والے دنوں میں اس طرح کی مزید اراضی سامنے آنے کا امکان ہے ذرائع کے مطابق جو بھی کرپشن کی اس گنگا میں ہاتھ دھونے کا مرتکب پایا گیا اس کے خلاف سخت قانونی کاروائی عمل میں لائی جائیگی ذرائع کے مطابق160 نیب نے معاملے کی تحقیقات شروع کردی ہیں اور اس سلسلے میں پلازوں کے مالکان اور دیگر حکام کو شامل تفتیش کیا جائے گا160۔