کرتار پور راہداری ،بھارت کاپاکستانی صحافیوں کو ویزہ دینے سے انکار
ویب ڈیسک
کرتار پور راہداری پر منعقد ہونیوالے اجلاس کی کوریج کیلئے پاکستانی صحافیوں کو بھارت نے ویزہ دینے سے انکارکردیا
ترجمان دفتر خارجہ ڈاکٹر محمد فیصل نے اپنے ایک ٹویٹ میں کہا ہے کہ یہ امر افسوسناک ہے بھارت نے کرتار پور راہداری اجلاس کیلئے پاکستانی صحافیو ں کو ویزہ دینے نہیں دیا
ترجمان کے مطابق پاکستان نے گزشتہ برس کرتار پور راہداری کے سنگ بنیاد کی تقریب کی کوریج کے لئے 30 بھارتی صحافیوں کو ویزے جاری کئے تھے
بھارتی صحافیوں نے پاکستان میں قیام کے دوران وزیر اعظم عمران خان سے ملاقات کی اور وزیر خارجہ شاہ محمود قریشی نے ان کے اعزاز میں عشائیہ دیا تھا
ترجمان نے امید ظاہر کی کہ پاک، بھارت کے درمیان آج (جمعرات کو) ہونے والا اجلاس دونوں ممالک کے عوام کی بہتری کے لئے تبدیلی کا حامل ہوگا
پاکستانی صحافی کل چودہ مارچ کو اٹاری بھارت میں کرتار پور راہداری پر منعقد ہونیوالے اجلاس کی کوریج کرنے کے خواہاں تھے