بلوچستان میں گریجویٹس نوجوانوں کو کاروبار کے لئے بلا سود آسان قرضوں کی فراہمی کے لئے صوبائی حکومت اور اخوت کے مابین باہمی سمجھوتے کی دستاویزات پر دستخط ہوگئے
کوئٹہ۔ 14 اگست۔ بلوچستان میں گریجویٹس نوجوانوں کو کاروبار کے لئے بلا سود آسان قرضوں کی فراہمی کے لئے صوبائی حکومت اور اخوت کے مابین باہمی سمجھوتے کی دستاویزات پر دستخط ہوگئے
بدھ کے روز ایم او یو پر دستخط کی سادہ مگر پروقار تقریب چیف منسٹر سیکرٹریٹ میں منعقد ہوئی باہمی سمجھوتے کی دستاویزات پر حکومت بلوچستان کی جانب سے چیف سیکرٹری شکیل قادر خان اور اخوت کی جانب ڈاکٹر محمد امجد ثاقب نے دستاویزات پر دستخط کئے تقریب میں وزیر اعلٰی بلوچستان میر سرفراز بگٹی، سینٹر سردار عمر خان گورگیج، پارلیمانی سیکرٹری اسفندیار کاکڑ، آغا شاہ زیب درانی ، ایم این اے احمد شاہ گورگیج, پرنسیپل سیکرٹری ٹو چیف منسٹر عمران زرکون ،ترجمان بلوچستان حکومت شاہد رند بھی موجود تھے
وزیر اعلٰی سیکرٹریٹ کے اعلامیہ کے مطابق اس ایم او یو کے مطابق حکومت بلوچستان اور اخوت باہمی تعاون سے بےروزگار گریجویٹس کو بلا سود قرضے فراہم کریں گے یہ قرضے قابل عمل بزنس پلان کے تحت جاری کئے جائیں گے جن کی واپسی آسان اقساط میں ہوگی اس قرضہ اسکیم سے گریجویٹ خواتین ، اقلیتی باشندے بھی استفادہ کرسکیں گے۔