کاجول کے لیے تصویراور سیلفی برابر

کاجول نے تصویر کو سیلفی کہہ ڈالا،سوشل میڈیا پر بحث چھڑ گئی ۔دنیا بھر میں موبائل سے سیلفی لینے کا رجحان اس قدر تیزی سے بڑھ رہا ہے کہ لوگ اب تصویر یا سیلفی میں بہت آسانی سے فرق کر لیتے ہیں۔

شوبز ڈیسک

بھارتی اداکارہ کاجول نے سماجی رابطے کی ویب سائٹ پر کمل ہاسن اور امیتابھ بچن کے ساتھ اپنی ایک تصویر شیئر کی۔جس میں انہوں نے لکھا کہ میں مزاحمت نہیں کر سکتی کیونکہ یہ دو لیجنڈز کے ساتھ سیلفی لینے کا وقت ہے ۔

کاجول کی شیئر کی جانیوالی تصویر کو اب تک 22 ہزار سے زیادہ ری ٹویٹ مل چکے ہیں اور اس پر 9 سو سے زیادہ تبصرے کئے گئے ہیں۔اکثر صارفین نے لکھا کہ یہ سیلفی نہیں بلکہ فوٹو گرافر کی تصویر ہے جبکہ دیگر نے ان پر کڑی تنقید بھی کی۔