چمن، 18 جنوری: ڈپٹی کمشنر چمن حبیب احمد بنگلزئی نے کوئٹہ چمن مین شاہراہ پر درہ کوژک کے دونوں اطراف روڈ کلیئرنس آپریشن کا معائنہ کیا۔
برفباری کے دوران ٹریفک کی روانی کو یقینی بنانے کے لیے انہوں نے لیویز فورس، پی ڈی ایم اے، اور این ایچ اے اہلکاروں کی کارکردگی کو سراہتے ہوئے ہدایت کی کہ شاہراہ کو بغیر کسی وقفے کے ٹریفک کے لیے بحال رکھا جائے۔
کوژک ٹاپ پر لیویز کوئیک رسپانس فورس اور پی ڈی ایم اے کے اہلکار مشینری کے ذریعے آپریشن میں مصروف عمل ہیں۔
ڈپٹی کمشنر نے ان کی محنت اور کامیاب آپریشن پر شاباش دی۔