بڑی جماعتوں میں چیلنجز کا مقابلہ کرنے کی ہمت نہیں،مولاناعبداغفور حیدری

0

کوئٹہ جمعیت علما اسلام کے مرکزی سیکرٹری جنرل سینیٹرمولانا عبدالغفور حیدری نے کہا ہے کہ پاکستان کی بڑی جماعتوں میں چیلنجز کا مقابلہ کرنے کی ہمت نہیں،موجودہ انتخابات کو دیکھ کر لوگ 2018 کے انتخابات بھول گئے ہیں بلاول بھٹو زرداری کو تاریخ یاد رکھنی چاہیے، 2018 کے انتخابات میں ہم 16، 17 نشستیں حاصل کرنے میں کامیاب ہوئے تھے۔ان خیالات کااظہار انہوں نے میڈیا سے گفتگو کرتے ہوئے کیا۔عبدالغفور حیدری نے کہا کہ موجودہ انتخابات کو دیکھ کر لوگ 2018 کے انتخابات بھول گئے ہیں۔

یہ بھی پڑھیں
1 of 8,746

انہوں نے کہا کہ جو بظاہر بڑی جماعتیں بن کر سامنے آئی ہیں وہ مرکز میں حکومت بنانے سے کترا رہی ہیں۔جے یو آئی رہنما نے مزید کہا کہ مسلم لیگ ن کے اندر یہ بات چل رہی ہے کہ وفاق میں حکومت نہیں بنانی چاہیے۔ان کا کہنا تھا کہ پیپلز پارٹی تمام آئینی عہدے مانگ رہی ہے، کوئی بھی پارٹی ذمے داری لینے کے لیے تیار نہیں ہے۔عبدالغفور حیدری نے یہ بھی کہا کہ ان بڑی جماعتوں میں ہمت نہیں کہ چیلنجز کا مقابلہ کر سکیں، حالیہ انتخابات میں زیادہ تر سلیکٹڈ لوگ آئے ہیں۔

انہوں نے کہا کہ بلاول بھٹو زرداری کو تاریخ یاد رکھنی چاہیے، 2018 کے انتخابات میں ہم 16، 17 نشستیں حاصل کرنے میں کامیاب ہوئے تھے۔جے یو آئی رہنما نے کہا کہ ان انتخابات میں طالب علموں نے ووٹ دیا تھا یا کسی اور نے؟ بلاول بھٹو زرداری اپنی جعل سازی اور ٹھپے مارنے کو مدرسے کے طالب علموں سے تشبیہ نہ دیں۔

You might also like
Leave A Reply

Your email address will not be published.