پاکستان میں کورونا وائرس سے رکن اسمبلی کی پہلی ہلاکت

اب تک متعدد اراکین اسمبلی میں کورونا وائرس کی تصدیق ہو چکی ہے

0
بلوچستان24ویب ڈیسک
لاہور: پاکستان تحریک انصاف کی رکن پنجاب اسمبلی شاہین رضا کورونا وائرس سے انتقال کر گئیں۔
سی ای او میو اسپتال ڈاکٹر اسد اسلم نے ایم پی اے شاہین رضا کے انتقال کی تصدیق کرتے ہوئے بتایا کہ شاہین رضا میں کورونا وائرس کی تصدیق ہوئی تھی۔
ڈاکٹر اسد اسلم کا کہنا ہے کہ بیگم شاہین رضا بلڈ پریشر اور شوگر کی بھی مریضہ تھیں۔
شاہین رضا کو 17 مئی کو طبیعت خراب ہونے پر ڈی ایچ کیو اسپتال منتقل کیا گیا تھا جہاں سے انہیں لاہور ریفر کر دیا گیا۔
یہ بھی پڑھیں
1 of 8,657
شاہین رضا خواتین کی مخصوص نشست پر پاکستان تحریک انصاف کی ایم پی اےمنتخب ہوئی تھیں اور ان کی عمر تقریبا 60 برس تھی۔
ڈپٹی کمشنر آفس گوجرانوالا کے مطابق مرحومہ شاہین رضا کی تدفین مقامی قبرستان میں کی جائےگی۔
وزیراعظم عمران خان نے رکن پنجاب اسمبلی شاہین رضا کے انتقال پر دکھ اور افسوس کا اظہار کیا ہے۔
خیال رہے کہ پاکستان میں اب تک کورونا سے 45 ہزار 898 افراد متاثر ہو چکے ہیں جس میں سے 985 افراد جاں بحق بھی ہو چکے ہیں۔
اب تک متعدد اراکین اسمبلی میں کورونا وائرس کی تصدیق ہو چکی ہے لیکن شاہین رضا کورونا وائرس سے انتقال کرنے والی پاکستان کی پہلی رکن اسمبلی ہیں۔
You might also like
Leave A Reply

Your email address will not be published.