ڈائریکٹر جنرل پی ڈی ایم اے جہانزیب خان کا دورہ نصیرآباد

کچھی 20 جولائی۔ڈائریکٹر جنرل پی ڈی ایم اے جہانزیب خان کا دورہ نصیرآباد۔ پہلے مرحلے میں انہوں نے ضلع کچھی کا دورہ کیا ڈپٹی کمشنر کچھی کیپٹن ریٹائرڈ جمیل احمد بلوچ کے ہمراہ ضلعی افسران کے مون سون بارشوں اور ممکنہ سیلابی صورتحال کے پیش نظر جائزہ اجلاس منعقد ہوا

اجلاس میں تمام ضلعی افسران نے نے شرکت کی اور مون سون بارشوں اور اپنے محکموں کی جانب سے کیے گئے پیشگی اقدامات کے متعلق تفصیل سے آگاہی فراہم کی جبکہ ڈپٹی کمشنر جمیل احمد بلوچ نے ضلع بھر میں مون سون کنٹی جنسی پلان کے حوالے سے بھی تفصیلی بریفنگ دی بعد ازاں ڈی جی پی ڈی ایم اے نے ڈپٹی کمشنر جمیل احمد بلوچ کے ہمراہ حاجی شہر ،مٹھڑی اور ناڑی ریور کا جائزہ لیا اس کے ساتھ ساتھ ان مقامات کا بھی دورہ کیا جہاں سے سیلابی ریلا گزر رہا تھا اور اس ایریا میں بھی گئے جہاں پر گزشتہ سیلاب کے دوران شگاف لگے تھے ان کے حفاظتی اقدامات کا معائنہ بھی کیا اور اس موقع پر انہوں نے کہا کہ ضلع کچھی میں حفاظتی اقدامات میں مزید بہتری لائی جائے

تاکہ بالائی علاقوں سے آنے والے سیلابی ریلوں کو مزید کنٹرول کیا جا سکے مون سون بارشوں سے قبل ہی حفاظتی اقدامات کے حوالے سے اقدامات کیے جائیں تاکہ عوام کو مشکلات سے دو چار نہ ہونا پڑے تمام افسران اپنی ذمہ داریوں کا مظاہرہ کر کے بہتر سے بہتر اقدامات کو یقینی بنائیں اور اسی دوران ڈائریکٹر جنرل پی ڈی ایم اے جہانزیب خان نے ڈپٹی کمشنر کچھی کیپٹن ریٹائرڈ جمیل احمد بلوچ کی کاوشوں کو سراہا دورے کے دوران ڈپٹی کمشنر کچھی کیپٹن ریٹائرڈ جمیل احمد بلوچ نے عوام کو ہدایت دیتے ہوئے کہا کہ سیلاب سے بچاؤ کے سلسلے میں جو بندات بنائے گئے ہیں

علاقے کے زمینداروں و کسانوں کو چاہیے کہ وہ بندات کو اپنی زمینوں کو سیراب کرنے کے لیے شگاف ہرگز نہ لگائیں جو بعد ازاں یہی شگاف زیادہ بارشوں کے باعث نہ صرف لوگوں کےلئے مشکلات پیدا کرتے ہیں بلکہ ضلعی انتظامیہ کے مسائل میں اضافہ کے باعث بنتے ہیں اس لئے شگاف لگانے سے گریز کریں۔