کوئٹہ ،سبزل روڈ عدم توجہی کے باعث خستہ حال

رپورٹ۔۔۔۔ مدثر محمود

کوئٹہ میں گزشتہ ماہ کے دوران بارشوں کے بعد سڑکیں ٹوٹ پھوٹ کا شکار ہیں شہر کی معروف شاہراہ سبزل روڈ گزشتہ چار سالوں سے سڑک کی مرمت نہیں ہوسکی

بارشوں نے اس کا حلیہ مزید خراب کردیا ہے خستہ حال سڑک کے باعث یہاں ہر وقت ٹریفک بھی جام رہتا ہے بارش کے بعد تو اس مقام سے گزرنا جوئے شیر لانے کے مترادف ہو جاتا ہے

صوبائی دارالحکومت کی اہم شاہراہ سبزل روڈ جس پر ٹریفک کا بہاؤ دیگر سڑکوں کی نسبت زیادہ ہے لیکن حکام کی توجہ اس جانب مبذول نہیں ہوسکی جس کے باعث طلبا وطالبات کو اسکول جاتے وقت اور آتے وقت گندے اور بدبو دار پانی. سے گزرنا پڑتا یے

سکولوں کی چھٹی کے اوقات میں چھوٹی گاڑیوں اور رکشے میں یہاں سے گزرتے ہوئے ایسا لگتا ہے کہ بس ابھی گاڑی الٹے گی یہاں سے گزرنے والے نکاسی آب کے نالے کی مناسب صفائی نہ ہونے کی وجہ سے گندا پانی سڑک پر جمع رہتا ہے

کوئٹہ کے شہری اشرف بنگزئی نے اس بارے میں بلوچستان 24 سے ڈاٹ کام سے گفتگو کرتے ہوئے کہا کہ اس مسئلے کو فوری حل کرنے کی مطالبہ کرتے ہوئے انتطامیہ سے اپیل کی کہ ٹوٹی سڑک کی مرمت کرکے نکاسی آب کے نالے کی مناسب صفائی کی جائے گزشتہ کافی عرصے سے سڑک کی مرمت نہیں ہوئی اور یہ سب کے لیئے مشکلات کا سبب بناہوا ہے

اپنا تبصرہ بھیجیں