اب کوئٹہ انٹر نیشنل ائیر پورٹ پر ہیلی کاپٹر ہینگر موجود ہوگا

ذرائع کے مطابق حکومت بلوچستان کے پاس سرکاری ہیلی کاپٹر کے کھڑے کرنے کے لئے ہینگر نہ ہونے کی وجہ سے حکومت بلوچستان کے دوارب دس کروڑ روپے سے زائد مالیت کے نئے ہیلی کاپٹر کے خراب ہونے کا خدشہ تھا جسے مد نظر رکھتے ہوئے حکومت بلوچستان نے کوئٹہ انٹر نیشنل ائیر پورٹ پر ہیلی کاپٹر ہینگر بنانے کا فیصلہ کیا ہے

اس سلسلے میں محکمہ سی اینڈ ڈبلیو کو ہینگر بنانے کے کام کی ذمہ داری سونپی گئی ہے ذرائع کے مطابق محکمہ سی اینڈ ڈبلیو نے اچھی شہرت کی حامل کمپنیوں سے پیشکشیں طلب کرلی ہیں جبکہ ہیلی ہینگر بنانے کے لئے کمپنی کا انتخاب پیشکشوں کا جائزہ لینے کے بعد 6جنوری کو کیا جائے گا ۔