پاکستان بھارت کے درمیان بہت پیچیدہ توازن کی صورتحال ہے ،ڈونلڈ ٹرمپ

مانیٹرنگ ڈیسک

وائٹ ہاوٴس میں چین سے تجارتی مذاکرات کے حوالے منعقدہ تقریب کے دوران صحافیوں سے گفتگو میں امریکی صدر ڈونلڈ ٹرمپ نے پاکستان اور بھارت کے درمیان حالیہ کشیدگی پر تشویش کا اظہار کرتے ہوئے کہا کہ امریکا دونوں ممالک میں کشیدگی کا خاتمہ چاہتا ہے۔بہت سے لوگ مارے گئے ہیں ہم چاہتے ہیں کہ یہ رکے

امریکی صدرٹرمپ نے کہا کہ ہم نے حالیہ دنوں میں پاکستان کیساتھ تعلقات کو بہتر کیا ہے اور واشنگٹن اسلام آباد کیساتھ مزید میٹنگز کیلئے بھی اقدامات کریگا انہوں نے کہا کہ حالیہ کم وقت میں تعلقات میں بہتری لائی گئی ہے امریکہ پاکستان کیساتھ ملاقاتوں کے حوالے سے اقدامات کریگا

انہوں نے کہاکہ پلوامہ حملے کے بعد دونوں ایٹمی طاقت ممالک کے درمیان صورتحال انتہائی خراب ہے

دوسری جانب پاک فوج کے ترجمان میجر جنرل آصف غفور نے بھی کہا ہے کہ جنگ کی خواہش نہیں تاہم کسی جارحیت کوسرپرائز نہیں سمجھیں گے اس دفعہ ہمارا رد عمل مختلف اور حیران کن ہوگا