چین میں طلب بڑھنے سے تیل کی قیمتوں میں اضافہ، روسی رسدمیں کمی کا امکان

0

بیجنگ   چین میں کرونا پابندیوں کے خاتمے اور اس کے دوبارہ کھلنے کے بعد بڑھتی ہوئی طلب کی توقعات کی وجہ سے تیل کی قیمتوں میں اضافہ ہوا ہے جبکہ امریکی ڈالر کی قدرمیں کمی واقع ہوئی ہے اور روس کی توانائی پرپابندیوں کی وجہ سے عالمی مارکیٹ میں رسد میں تعطل واقع ہوسکتا ہے۔

غیرملکی خبررساں ادارے کے مطابق ویسٹ ٹیکساس انٹرمیڈیٹ کی قیمت میں مسلسل ہفتہ واراضافے کے بعد 82 ڈالر فی بیرل تک پہنچ گیا ہے جس کی وجہ سے امریکی بینچ مارک نومبر کے وسط کے بعد سے بلند ترین سطح پر پہنچ گیا۔امریکی کرنسی کی قدر میں کمی کے باعث پیر کے روز قیمتوں میں کمی واقع ہوئی ہے۔تاہم ایشیائی اوقات میں تجارتی حجم برقرار رہا اور نئے قمری سال کے موقع پرقومی تعطیلات کی وجہ سے چین اور سنگاپور سمیت اہم مارکیٹیں متاثر ہوئی ہیں۔تیل نے 2023 کے کمزورآغاز کو ہلا کررکھ دیا ہے کیونکہ چین کی مارکیٹ میں توقعات بڑھ گئی ہے۔

یہ بھی پڑھیں
1 of 7,992

امریکا کے فیڈرل ریزرو نے بھی قیمتوں میں اضافہ کیا ہے اور وہ شرح سود میں جارحانہ اضافے کا سلسلہ ختم کرنے کے قریب ہے۔یوکرین میں جاری جنگ کے پیش نظرروس کی توانائی کی ترسیل پرمزید پابندیاں اگلے ماہ کے اوائل میں نافذالعمل ہونے والی ہیں۔امریکی وزیر خزانہ جینٹ یلین نے اختتام ہفتہ پراس اعتماد کا اظہار کیا کہ روسی خام تیل کی فروخت پر پابندیوں کو مصفا مصنوعات تک بڑھایا جاسکتا ہے، جبکہ اس بات کا اعتراف کیا کہ یہ کام مزید پیچیدہ ہوگا۔دریں اثنا، ماسکو ایک حکم نامہ شائع کرنیکی تیاری کررہا ہے جس میں قیمت کی حد پر عمل کرنے والے گاہکوں کو تیل فروخت کرنے والی روسی کمپنیوں پر پابندی کی وضاحت کی گئی ہے۔

یورپ میں، فرانس کی سی جی ٹی یونین توانائی کے شعبے میں اس ہفتے ہڑتال کی منصوبہ بندی کر رہی ہے، جس سے ایندھن کی دستیابی میں تعطل پیدا ہونے کا خدشہ ہے۔بروکریج اسٹون ایکس گروپ کے تجزیہ کار ہیری التھم نے کہا:فرانسیسی ریفائنری حملوں اورآنے والی روسی تیل کی مصنوعات پر پابندی کے اہم معاون عناصر یورپی درمیانی مارکیٹوں میں زیادہ فیصلہ کن طور پر کھیل رہے ہیں، جبکہ ڈالر کی قدر میں کمی خام تیل کی قیمت میں کچھ اضافہ کرسکتی ہے۔

You might also like
Leave A Reply

Your email address will not be published.