وزیر اعلیٰ بلوچستان میر سرفراز بگٹی کی زیر صدارت جشن آزادی کی تقریبات کے انعقاد سے متعلق اجلاس

کوئٹہ، 25 جولائی ۔ وزیر اعلیٰ بلوچستان میر سرفراز بگٹی کی زیر صدارت جشن آزادی کی تقریبات کے انعقاد سے متعلق اجلاس یہاں وزیراعلیٰ سیکرٹریٹ میں منعقد ہوا اجلاس میں چیف سیکرٹری بلوچستان شکیل قادر خان ، صوبائی سیکریٹریز اور پوليس حکام نے شرکت کی اجلاس میں فیصلہ کیا گیا کہ حکومت بلوچستان کہ صوبے بھر میں جشن آزادی کی تقاریب جوش و خروش سے منائے گی وزیر اعلیٰ نے اس موقع پر اظہار خیال کرتے ہوئے کہا کہ صوبے کے تمام ڈویژنز، اضلاع میں جشن آزادی جوش و خروش سے منائی جائے گی انہوں نے کہا کہ بلوچستان کے لوگ محب وطن اور ملک سے پیار کرنے والے ہیں 14 اگست ہمارے دلوں کے قریب ہے اور ہم اس دن کو جوش و خروش سے منا کر پوری دنیا کو پیغام دیں گے کہ بلوچستان کے ہر فرد کے دل میں پاکستان کی محبت ہے انہوں نے اس عزم کا اعادہ کیا کہ
جشن آزادی کی خوشیوں میں ہر فرد شامل ہوکر سوشل میڈیا کے جھوٹے بیانے کو ملیا میٹ کردے گا وزیر اعلیٰ نے کہا کہ جشن آزادی کے موقع پر وطن عزیز پر جان نچھاور کرنے والے ہیروز کو زبردست خراج عقیدت پیش کیا جائے گا جانوں کا نذرانہ پیش کرنے والے شہداء ہمارے قومی ہیرو ہیں جنہیں ہم رہتی دنیا تک نہیں بھولیں گے اور جشن آزادی کے موقع پر شہداء کی فیملیز کو تمام تقاریب میں کلیدی حیثیت میں مدعو کرینگے اور ان تقاریب میں شہداء کے پسماندگان مہمان خاص ہوں گے وزیر اعلیٰ نے شہید پروفیسر ناظمہ طالب سمیت دہشت گردی کا شکار ہونے والے تمام شہداء کو خراج عقیدت پیش کیا وزیراعلیٰ نے کہا کہ
جشن آزادی کے موقع پر پورے ملک سے کھلاڑیوں کو بلوچستان مدعو کیا جائے گا انہوں نے واضح کیا کہ قومی سلامتی پر بلوچستان کے لوگوں اور ریاست کے درمیان کوئی خلیج نہیں اور ہم اتحاد یگانگت اور یکجہتی سے سوشل میڈیا کے بے بنیاد پروپیگنڈوں کو دفن کرینگے انہوں نے کہا کہ جشن آزادی کی تقاریب کو عالمی ، قومی اور مقامی میڈیا میں بھرپور کوریج دی جائے اور قومی جذبہ حب الوطنی سے منائی جانے والی تقاریب میڈیا آؤٹ لیٹس میں ٹاپ ٹرینڈ ہوں گی وزیراعلیٰ نے کہا کہ بلوچستان کے عوام ہر سال جشن آزادی کے موقع پر اپنے وطن سے محبت کا بھرپور اظہار کرتے ہیں جو اس امر کا واضح مظہر ہے کہ بلوچستان کے لوگ اس مٹی سے پیار کرتے ہیں اور صوبائی حکومت بھی اس سال آئندہ آنے والے جشن ازادی کی تقاریب کی پورے صوبے میں بہترین انعقاد کو یقینی بنائے گی اور ہم سب اپنے اتحاد اور اتفاق سے دشمن کو یہ پیغام دیں گے کہ ہم متحد ہیں اور ہمیشہ متحد رہیں گے ۔