شہباز شریف پارلیمنٹ میں نہیں آ ئے گا تو وزیراعظم عمران خان کو بھی نہیں آنے دینگے ،مسلم لیگ ن

مانیٹرنگ ڈیسک

مسلم لیگ ن کے رہنماؤں نے شہباز شریف کے پروڈکشن آرڈر

منسوخ کرنے کے بیان پر کھلم کھلا دھمکی دیدی

سابق وزیراعظم شاہد خاقان عباسی نے کہا کہ وزیراعظم کے معاون خصوصی نعیم الحق نے اپنی ٹویٹس میں دھمکی دی، ہم یہ معاملہ پارلیمنٹ میں اٹھانا چاہتے تھے لیکن اسپیکر کی جانب سے اجازت نہیں ملی، ہم واضح کرنا چاہتے ہیں اگر اپوزیشن لیڈر اسمبلی میں نہیں آئے گا تو وزیراعظم بھی ایوان میں نہیں آئیں گے۔

وزیراعظم گالیوں کی حوصلہ افزائی کرتے ہیں اور عمران خان قومی اسمبلی کی ہتک کر رہے ہیں،یہ کہتے ہیں کہ گالی دو اور مشہور ہوجاوٴ اگر انہوں نے پارلیمنٹ میں یہ ماحول رکھنا ہے تو ہم بھی تیار ہیں،خواجہ آصف

جائیدادیں نکلنا شروع ہو گئی ہیں اب انہیں منی ٹریل بھی دینا پڑے گی جب کہ وزیراعظم 6 ماہ بعد اسمبلی میں آئے اور ناراض ہو کرچلے گئے حالانکہ ہم وزیراعظم کی مسلسل غیر حاضری پر تلاش گمشدہ کا اشتہار دینے کا سوچ رہے تھے۔