پیپلز پارٹی نے کورونا خدشے کے سبب 4 اپریل کو راولپنڈی میں جلسہ منسوخ کر دیا
کراچی : کورونا وائرس کی خراب صورتحال کے باعث پیپلز پارٹی کا 4 اپریل کو راولپنڈی میں ہونے والا جلسہ منسوخ کر دیا گیا۔
بتایا گیا ہے کہ بلاول بھٹو کو محکمہ صحت سندھ نے جلسہ منسوخ کرنے کی تجویز دی تھی۔ محکمہ صحت سندھ کے مطابق راولپنڈی میں کورونا صورتحال تشویش ناک ہے،سندھ کے لوگ بھی جلسے میں جائیں گے جس سے کورونا وائرس سندھ میں مزید پھیل سکتا ہے۔ پیپلز پارٹی کی قیادت نے محکمہ صحت کی تجویز تسلیم کرتے ہوئے 4 اپریل کا جلسہ منسوخ کر دیا۔
یہ بھی پڑھیں
واضح رہے کہ سندھ میں دیگر صوبوں کے مقابلے کورونا کیسز کی تعداد سب سے زیادہ ہے،صوبے میں 2 لاکھ 64 ہزار 62 افراد کورونا کا شکار ہیں جبکہ پنجاب میں 2 لاکھ 7 ہزار 765، خیبر پختونخوا میں 82 ہزار 677، بلوچستان میں 19 ہزار 427 اور گلگت بلتستان میں 4 ہزار 983 افراد وائرس کا شکار ہیں۔