بلوچستان بورڈ آف انٹرمیڈیٹ اینڈ سیکنڈری ایجوکیشن نے امتحانی نظام کو جدید خطوط پر استوار کرنے کے لئے خود کار ڈیجیٹل سسٹم متعارف کرادیا

بلوچستان بورڈ آف انٹرمیڈیٹ اینڈ سیکنڈری ایجوکیشن نے امتحانی نظام کو جدید خطوط پر استوار کرنے کے لئے خود کار ڈیجیٹل سسٹم متعارف کرادیا ، ڈیجیٹل اٹینڈنس اینڈ مانیٹرنگ سسٹم “ڈیمز” کے تحت امتحانی عملے ، اور امتحانات میں شریک طلبہ سمیت مانیٹرنگ اسٹاف کی رئیل ٹائم آن لائن حاضری لی جائے گی منگل کو چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن کے چئیرمین اعجاز بلوچ نے جدید خود کار ڈیجیٹل سسٹم کا افتتاح کیا اس موقع پر کنٹرولر بلوچستان بورڈ شوکت علی سرپرہ ، ڈپٹی سیکرٹری محمد خالد ، ڈپٹی کنٹرولر قاضی انور اور دیگر افسران بھی موجود تھے ۔اس موقع پر میڈیا کے نمائندوں کو بریفننگ دیتے ہوئے چیئرمین اعجاز بلوچ نے بتایا کہ بلوچستان بورڈ میں اصلاحات کا عمل جاری ہے

اور ہماری کوشش ہے کہ اصلاحاتی منصوبوں کو عملی جامہ پہنا کر بورڈ کے امور سے متعلق عوام کو زیادہ سے زیادہ سہولیات ان کی دہلیز تک پہنچائی جائیں اس سے قبل آن لائن ڈگری ، ڈی ایم سی کا اجرائ، اسناد کی تصدیق اور ری کاونٹنگ پروسیجر کی سہولیات فراہم کردی گئی ہیں آج “ڈیمز ایپ” کا باقاعدہ آغاز کرنے جاررہے ہیں اس جدید سسٹم کے تحت بلوچستان کے تمام امتحانی مراکز میں متعین عملے کی حاضری کو سو فیصد یقینی بنایا جاسکے گا جبکہ شفافیت پر مبنی اس سسٹم کے تحت امتحانات میں شریک طالب علموں کی حاضری الاٹ کردہ مراکز پر ہوگی اور یہ ممکن نہیں ہوگا کہ مینوئل حاضری ایک جگہ لگائی جائے اور پیپر دوسری جگہ دیا جائے اس کے ساتھ ساتھ بورڈ کے مرکزی ڈیٹا بیس میں امتحانی پرچوں سمیت جملہ ریکارڈ کو محفوظ کیا سکے گا اور متعلقہ فرد کئی سالوں بعد بھی اپنے پیپرز کو دیکھ پائیں گے کوسچن بنک کے قیام سے بورڈ کے پاس نصابی سوالات پر مشتمل ایک وسیع ڈیٹا موجود ہوگا جس سے کوسچن پیپرز ایک سہل عمل کے زریعے مرتب کئے جائیں گے اور وقت کی بچت ہوگی

انہوں نے کہا کہ ڈیجیٹل سسٹم کے باعث امتحانی نتائج مرتب کرنے میں کم وقت صرف ہوگا اور امتحانات کے بعد نتائج کے اعلان کا دورانیہ کم ہوگا اسکے علاوہ امتحانی مراکز کا دورہ کرنے والے سینٹرز انسپیکٹرز کی رپورٹ پر بغیر التوا کے فوری کارروائی کی جاسکے گی اعجاز بلوچ نے کہا کہ بلوچستان بورڈ کو مینوئل نظام سے بتدریج ڈیجیٹلائزیشن پر منتقل کیا جاررہا ہے اور عوام کو مستقبل میں مزید بہتر سہولیات میسر آئیں گی اس ضمن میں جلد ہی بلوچستان بورڈ میں آئی ٹی کا الگ سے شعبہ قائم کردیا جائے گا اس کے علاو 2023 سے ای مارکنگ متعارف کروائی جائے گی جو دور جدید کے تقاضوں کے مطابق ایک غیر معمولی پیش رفت ہوگی بلوچستان بورڈ کے نظام میں شفافیت اور سہولیات اصلاحاتی ایجنڈے کا تسلسل ہیں