شب برات پر اسلام آباد کے قبرستانوں میں کسی بھی قسم کی عوامی اجتماع پر پابندی عائد

کرونا وائرس کے پھیلاؤ کے پیشن نظر وفاقی ضلعی انتظامیہ نے این سی او سی کی ہدایات پر نئی پابندیاں عائد کردی ہیں۔ڈپٹی کمشنر اسلام آباد حمزہ شفقات نے نیا نوٹیفکیشن جاری کر دیا ہے۔

یکم اپریل سے ہر قسم کی مارکیز اور شادی ہالز کے اندر اور باہر ہر قسم کی شادیوں اور دیگر تقریبات پر پابندی عائد ہو گی،نوٹیفیکیشن جاری

نوٹیفیکیشن کے مطابق یکم اپریل سے ہر قسم کی مارکیز اور شادی ہالز کے اندر اور باہر ہر قسم کی شادیوں اور دیگر تقریبات پر پابندی عائد ہو گی۔سپورٹس ٹورنامنٹ، سوشل تقریبات، کلچرل تقریبات اور مذہبی تقریبات پر پابندی عائد ہوگی۔

نوٹیفکیشن کے مطابق شب برات پر اسلام آباد کے قبرستانوں میں کسی بھی قسم کی عوامی اجتماع کی اجازت نہیں ہو گی۔ایچ ایٹ اور ایچ الیون کے قبرستانوں میں اسسٹنٹ کمشنرز شب برات کے دن اور رات کو عوامی اجتماع کو روکنے کی پابندی کروائیں گے۔قبرستانوں میں میتوں کی تدفین کرونا ایس او پیز کے مطابق کی جائے گی