خواتین کا سائیکل چلانا حرام قرار

انٹر نیشنل ڈیسک
تہران۔۔۔۔

غیر ملکی میڈیا کے مطابق آیت اللہ علی خامنہ ای نے کہا ہے کہ خواتین کا غیر محرم مردوں کے سامنے سائیکل چلانا شرعا حرام ہے۔

محرم کی موجودگی میں خاتون سائیکل چلا سکتی ہے مگر نامحرم لوگوں کے درمیان عورتوں کو سائیکل چلانے کی اجازت نہیں ہو گی۔

ایران کے بنیاد پرست حلقوں کے مقرب ذرائع ابلاغ میں حالیہ ایام میں یہ خبر گردش کرتی رہی ہے کہ خامنہ ای نے ایک عشرہ قبل تہران کی سڑکوں پر سائیکل چلانے کو حرام قرار دیا تھا

فارسی اخبار جام جم نے ایرانی صدر حسن روحانی کی خاتون مشیرہ شھیندخت مولا وردی کا ایک بیان نقل کیا ہے
جس میں سپریم لیڈر کے دفتر نے واضح کیا ہے کہ سائیکل چلاتے ہوئے خواتین دینی تعلیمات کی کما حقہ پابندی کرتی ہیں تو ایسی صورت میں سائیکل چلانے پر کوئی پابندی نہیں۔

کوئی دو ہفتے قبل ایرانی پولیس نے تہران میں سائیکل سواری کے ایک مقابلے کے انعقاد کو روک دیا تھا۔

یہ ایونٹ سوسل سوسائٹی کی طرف سے منعقد کیا جانا تھا جس میں منگل گاڑیوں کے بغیر کا عنوان دیا گیا۔
اس سائیکل ریس میں خواتین نے بھی شرکت کرنا تھی۔