محکمہ موسمیات نے بارشوں کے نئے سلسلے کی خوشخبری دی ہے

کوئٹہ : ویب رپورٹر

وفاقی دارالحکومت سمیت خیبر پختو نخوا، فاٹا اور بلوچستان کے بعض علاقوں میں بارش اور پہاڑی علاقوں میں برف باری کا امکان ہے۔

محکمہ موسمیات کے مطابق بارش برسانے والا مغربی ہواؤں کا سلسلہ ملک میں داخل ہوگیا ہے جس سے پیر اور منگل کو وفاقی دارالحکومت اسلام آباد راولپنڈی ڈویژن مالا کنڈ ہزارہ ڈویژن فاٹا کشمیر اور گلگت بلتستان میں وقفے وقفے سے گرج چمک کے ساتھ بارش کا امکان ہے۔

اس کے علاوہ بنوں، پشاور کوہاٹ، سرگودھا، گوجرانوالہ، کوئٹہ، ژوب ڈویژن کے کچھ علاقوں میں بارش کا امکان ہے جبکہ کوئٹہ میں صبح سے ہلکی بارش مختلف علاقوں میں ہوئی ہے بارشوں کے سلسلے کے دوران مالا کنڈ کوئٹہ ژوب ڈویژن میں پہاڑوں پر برف باری کا بھی امکان ہے۔ مری، گلیات، ناران کاغان کشمیر اور گلگت بلتستان کے پہاڑوں پر بھی برف باری ہو گی۔