بسیمہ ٹریفک حادثہ: حکومت تحقیقات کررہی ہے: ترجمان حکومت بلوچستان
وزیر اعلیٰ بلوچستان میر سرفراز بگٹی کی ہدایت پر ترجمان حکومت بلوچستان شاہد رند نے سی ایم ایچ کا دورہ کیا اور زیر علاج زخمیوں کی عیادت کرتے ہوئے ان کی صحت یابی کیلئے دعا اور نیک خواہشات کا اظہار کیا ،
ان کے ہمراہ سیکرٹری صحت بلوچستان صالح بلوچ، ڈائریکٹر ہیلتھ فہیم خان آفریدی بھی موجود تھے اس موقع پر سی ایم ایچ انتظامیہ نے ترجمان صوبائی حکومت اور محکمہ صحت کے افسران کو بریفنگ دیتے ہوئے بتایا گیا کہ سات شدید زخمی آئی سی یو جبکہ دو زخمی افراد جنرل وارڈ میں زیر علاج ہیں ترجمان بلوچستان حکومت اور محکمہ صحت کے افسران کا علاج معالجہ پر اظہار اطمینان کا اظہار کیا ،
ترجمان صوبائی حکومت شاہد رند نے کہا کہ وزیر اعلٰی بلوچستان میر سرفراز بگٹی نے واقعہ پر گہرے افسوس کا اظہار کیا ہے
پاک فوج اور سول انتظامیہ نے تمام زخمیوں کو ہیلی کاپٹر کے ذریعے کوئٹہ منتقل کیا ترجمان صوبائی حکومت کا کہنا تھا کہ حادثے کی تحقیقات کی جاررہی ہیں کسی بھی غفلت کی صورت میں متعلقہ ٹرانسپورٹ کمپنی کے خلاف کارروائی ہوگی۔