پاکستان نے فضائی حدود تک رسائی دے رکھی : امریکا

نیویارک : پینٹاگون کے سینئر عہدیدار نے کانگریس کو آگاہ کیا ہے کہ پاکستان نے امریکا کو اپنی فضائی حدود تک رسائی جاری رکھی ہوئی ہے اور دونوں فر یق یہ رسائی کھلی رکھنے کے لیے بات چیت بھی کر رہے ہیں۔

میڈیارپورٹس کے مطابق امریکی انڈر سیکر ٹری دفاع برائے پالیسی کولِن کاہل نے سینیٹ کی آرمڈ سروسز کمیٹی سے یہ معلومات افغانستان، جنوبی اور وسطی ایشیا کے خطوں میں سلامتی سے متعلق کھلی،بند سماعت کے دوران شیئر کیں ،وہ کمیٹی کے چیئرمین سینیٹر جیک ریڈ کے سوال کا جواب دے رہے تھے

جنہوں نے انڈر سیکر ٹری سے پینل کو پاکستان کے ساتھ انسداد دہشت گردی کے حوالے سے اس کے تعاون سے متعلق معاہدے پر اپ ڈیٹ کرنے کا کہا۔سینیٹر نے حالیہ میڈیا رپورٹس کا حوالہ دیا جن میں دعویٰ کیا گیا تھا کہ پاکستان، دہشت گرد تنظیم داعش پر حملے کے لیے طالبان کے ساتھ کام کر رہا ہے ۔کولن کاہل نے کھلی سماعت میں بتایا کہ پاکستان کا ایک چیلنجنگ کردار ہے ، لیکن وہ افغان سرزمین کو نہ صرف اپنے بلکہ دیگر ممالک کے خلاف بھی دہشت گرد، بیرونی حملوں کے لیے محفوظ ٹھکانے کے طور نہیں دیکھنا چاہتا۔