رپورٹ۔۔۔ میروائس نعیم مشوانی
گزشتہ ہفتے صوبائی وزیر بلدیات صالح بھوتانی,ایڈمنسٹریٹر میٹروپولیٹن کارپوریشن فاروق لانگو کی جانب سے شروع کیے گئے رات کے وقت صفائی مہم کوئٹہ شہر میں زور شور سے جاری ہے جسکے نتیجے میں شہر کے مختلف علاقوں کے بند نکاسی آب کی نالیاں کھولنے کے عمل کا آغاز بھی ہو گیاہے شہر کے رہائشی علاقوں میں بھی کوڑا کرکٹ اٹھایا جارہاہے
شہریوں نے میٹرو پولیٹن کے اقدام کی تعریف کی ۔ شہری محمد اکرم نے کہاکہ پہلی دفعہ کوئٹہ شہر کی صفائی کے لیے اس طرح کے اقدامات اٹھائے گئے ہیں اس سے پہلے کسی دور میں بھی شام کے وقت کوئٹہ شہر کی صفائی نہیں کی گئی
شہری اختر محمود نے بلوچستان 24 سے بات چیت کرتے ہوئے کہا کہ صفائی اور خوبصورتی کے وجہ سے کوئٹہ شہر کو لٹل پیرس کے نام سے پہچانا جاتا تھا لیکن پچھلے ادوار میں کوئٹہ شہر کو نظر انداز کیے جانے کی وجہ سے کوئٹہ شہر کچرے کے ڈھیر میں تبدیل ہو گیا تھا
لیکن نئے ایڈمنسٹریٹر میٹروپولیٹن کارپوریشن فاروق لانگو کے دن رات محنت اور خلوص کی وجہ سے شہر کی خوبصورتی ایک دفعہ پھر لوٹ رہی ہے
جبکہ اس حوالے سے میٹرو پولیٹن کارپوریشن کے ایڈمنسٹریٹر فاروق لانگو خود متحرک نظر آرہا ہے۔