جھوٹٰی اطلاعات ، پروپیگنڈا سے قومی ہم آہنگی متاثرہوتی ہے : آرمی چیف جنرل قمر جاوید باجوہ

رولپنڈٰی : آرمی چیف جنرل قمر جاوید باجوہ نے کہا ہے کہ دشمن قوتوں کا پروپیگنڈا اور جھوٹی اطلاعات قومی یکجہتی کے لئے نقصان دہ ہیں۔

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ اعلامیے میں کہا گیا ہے کہ چیف آف آرمی سٹاف جنرل قمر جاوید باجوہ نے لاہور کا دورہ کیا،اس دوران آرمی چیف نے ایس ایچ 15 آرٹلری گنز کی کور آف آرٹلری میں شمولیت کی تقریب میں شرکت کی۔

ڈی جی آئی ایس پی آر کا کہنا ہے کہ مستقبل میں میدان جنگ کے تقاضوں سے نبردآزما ہونے کے لئے جدید ویپن سسٹم کی شمولیت پر آرمی چیف نے اطمینان کا اظہار کیا۔

اس موقع پر آرمی چیف نے کہا کہ زیادہ فاصلے تک مار اور میدان جنگ میں تیزی سے حرکت کرنے والے آرٹلری سسٹم کی شمولیت سے آپریشنل تیاریوں کو تقویت ملے گی، ہدف کو ٹھیک ٹھیک نشانہ بنانے کی صلاحیت سے پاک فوج کی آپریشنل تیاریوں میں اضافہ ہو گا۔